ساده‌دیل وچه

ساده‌دیل وچه
یته ساده‌دیل وچه که خۊجیری اینی سر مچه جی وأرس، خۊ ایجباری دؤران ٚ مئن جمعی مئن گیر دکته بؤ که میزان بسته به شرایط دگردس! یه رۊزان که ساده‌دیل وچه نیاز دأشت خؤنه بؤشۊن چۊن اینی اقامت هلأ پۊرآنؤبؤ بؤ، اینء مرخصی ندأن ؤ جمع بؤگۊتن ایندر مرخصی شؤؤن اقامتی هیسه. هرکی وی اقامت ویشتر بؤبۊن، هۊن شۊنه. رۊزان بؤشؤ ؤ بؤشؤ ؤ ساده‌دیل وچه اقامت پۊرآبؤ. اۊ رۊز جمع که نیاز دأشت مرخصی بؤشۊن، ساده‌دیل وچهء بؤگۊتن ایندر مرخصی شؤؤن رفاقتی هیسه. هرکی نیاز دأشته ‌بۊن شۊنه. ساده‌دیل وچه که جمع ٚ جی رۊ وگردأنئه بؤ، اۊ به‌بر هرگا که یته جمعء دئه گۊت: «آدمان أندی بدذات بؤن که اۊشانء هۊ اول ٚ سر بهشت ٚ جی بیرۊن‌آگۊدن.»